مرحبا عد من صلا وصام ارمضان
وعد ماهلت المزنه بهمالها
عودن ازرق وكيف ومنتقين السمان
حشمت اضيوفنا والطيب من فالها
التقاعد ختام الجهد والامتحان
ولقمة العيش خلق الله تسعالها
مايجي شي بلاش وكل مجهود بان
وخدمتن باالشرف ياحض من نالها
التعب مايدوم وكل مخلوق فان
لاكن الطيب والمعروف يبقالها
والفخر ياعيال العم طول الزمان
كاسبين الجمايل وانتم ارجالها
من قديم السنين ايام مافيه امان
يوم كلن علا منكبه يشتالها
البلاجيك محزمنا ملي جبخان
ماندور لنا حيله ونحتالها
ماسكتنا لزلة يد ولا لسان
ناخذ الحق ولا انرد بمثالها
ماش فينا ذليل وماش فينا جبان
اصغر اعيالنا يدق زرفالها
هاذي افعالنا وعطي عليها ضمان
وباقي الناس والله مالي ومالها