يا كريم الوجه يارب العِباد=يا عظيم ويا سميع ويا بصير
حمدك وشكرك بدايات المِداد=والرضى باللي قِدَرْته ياقدير
عفوك وعطفك رجائي والمُراد=في وقوفي وَسْط عُرقان وهجير
عقبها يا بوح لو جاك انعِقَاد=ما ألومك تأنف الوضع المرير
لانّك اسْمَى من إساءاتٍ تُعاد=كنَّها عكاز والناظم ضرير
أنت ناتج عاصفه والإرتداد=يُخْلِف المأساة في شَط المُبير
دمّر اوطانه و خَلِّد له سُهاد=خلّك الكابوس في حلمه عشير
المسيَّر لو علا صوته و زاد=ما يعوِّق حادي العيس المسير
والهزيلة حالها حال الزباد=وانتفاع الناس فالدنيا قرير!
سَرَّها يا بوح تمجيدك وكاد=لا بذخت وصرت بالعليا جدير
خلك المكسب ليا طال المزاد=خلك الإقناع في جيب الفقير
لوّح الفيتو !! بوجه الإعتياد=لك بداية حق تقرير المصير
في حَرور الشعر تبديعك براد=في مروج الذوق ميرادك غدير
وفي خفوق الغيد ميثاق وسَداد=وفي خفوقي كنّك لدَمِّي خشير
ما بدعتك لاجل أطلب بك وِداد=مثل غيري عاد من بوحه كسير
أنت نزعة دنيتي والإنفراد=في جوانب شخص شاعرك الخطير
أعشقك واحيا حضورك والبُعاد=ما أخونك لو يصير اللي يصير
خذ لك ابسط وصف حصري لا يُعاد=فيك ياهوجاس متميز وغير:
مُنْيَة افلاطون في صحو وْ رقاد=يبني الأفضال في قالب صغير!!
تصغر الأحلام وانته باعتماد=لك مجرة فضل واحساس و ضمير!!!