لوشافت اعيونك بعد موتك الناس = ياسيدي ياكثرها يوم جاتك
من كل ديره مالها عد وقياس = زادت عن اللي حبتك في حياتك
واللي ماجوك اكثر وفي نفس الاحساس = طيب الخلايق زاد من طيب ذاتك
رحيل أمه في رجل يعتبر باس = لكنه المقدور سبب وفاتك
لاهنت ياكاسب من الطيب نوماس =لاهان قبر(ن) ضم غالي رفاتك
ياحظ رمسك سيدي بين الارماس =وحظ اللحد والخام من مكرماتك
ياسيدي يانسل من جود الساس = منهو بفعل الطيب سوا سواتك
يدك النهر جاري ولا خفت الافلاس = والابتسامه دائما من شفاتك
للخير مدرار(ن) وللشر دعاس = والعفو عند المقدره من سماتك
عساك للفردوس مع خيرة الناس = يجزاك رب العرش ضعف احسناتك