غريب اول المشوار واخره ياراكان=غريب ونهاية غربتك وش توقعها
ترى اللي مضى لك من هوى سيد الخلان=نزيف الموده وانت بالطيب ترْقَعها
وتشفق على لاماه والليل ياولهان=تخايل غلاها في محيطك و تسمعها
سراب الهوى يروي في طيف الامل بستان=وسكة ضياعك صادق الوعد يقْطَعها
مع الخطوه المح يابس الجذع والاغصان=تهادت ذبول اوراقها من طلايعها
أسايرك يا كذبه واحس الربيع اوطان=تضمه محاديب الضلوع و توزّعها
على دربك اللي ينتهي بي على جرفان=و قاع النهايه حَرَّك العين وادْمَعها
وحيدٍ وزفراتي و ريح الجوى عنوان=و حولي ظلام ٍساد نفسي و لوّعها
واذا قلت لو برجع عسى حظي النسيان=كسر ذكرياته ساق رجلي وقطّعها
خلافك زلازل ذكرها دوم ياراكان=وقدمك نهاية غربتك من يرَجِّعها!!