يالله ياخلاق ياللي على خلقك تجـــود=ياللــه ياللـــي تعلـــم البـيـنـه والخافيه

رحمتك يارافع السبع ذيك بــلا عمـــود=ومنشي الغيمه ومرسل سحابه صافيــه

يالله إنك ترحم اللي سكـن بين اللحـود=طعنته في وسط صدري تراها كافيــه

ماغفت عيني وكل العرب عندي رقـــود=والسبب فقدان راعي العلــوم الوافيـه

من بعد ماراح من لابتي تالــي الأســود=حرمت عيني كراها ولاهـــي غافيـــه

موت أبوحامد كما ثلم مصقول الحــدود=علة(ن) في ذمتــي ماوراهـــا عافيـــه

يوم جاني العلم يشبه لزلزال الرعـــود=عجزت عضامي تقف بي على المشرافيه

يالله إنك تسكنه وسط جنــات الخلــود=وأستره وثياب سترك وعفوك ضافيــه

راعي اليمنى الكريمة من أيام الجـدود=مات ماشفنا منه في المواقف هافيــه

يالله ياخلاق ياللي على خلقك تجـــود=ترحمـــه ياعالــم البـيــنــــــه والخافيه