ياهاجسي دامي على المسرى عزوم ومنتوي=شد العزايم للدروب الجرهديه شدها
خلك خوي(ن) لي على ماقيل ياعز الخوي=سل السيوف المرهفه وقت اللزوم وحدها
وخلك لهرج العاقل الناصح بهرجه ترتوي=والهرجه اللي خايف(ن) منهاتغرك عدها
لي كم سنه واناأفتكر والوقت يطوينا طوي=ناس(ن)لقت ماتمتنيه وناس يلطم خدها
لي وقفة استغراب وأفكاري تلف وتلتوي=مثل البحور اللي تلاطم جزرها مع مدها
حاولت بالأيام أساويها وعيت تستوي=وأثر الليال أسرار عيت لي تبوح بسدها
لكن مادام البشر تمشي تحت حكم القوي=لاتنطق الا الهرجه اللي يوم تاقف قدها
وكم نجم يثبت في سماه ومنه كم نجم إيهوي=ترى الكواكب في سماها أنواع يوم تعدها
فجرت في وسط الحشا بركان يدوي به دوي=وأظن مابه كلمة(ن) تعجزك صيغة ردها
لوشفت ذيب(ن) لد عينه لك ويقنب وإيعوي=جاوب عواه ولاتهابه فيه عينك لدها
وما أنته بمحتاج إني أوصيك فيما تهتوي=العاصيه تقدر تطوعها وتلعن جدها